Мы освещаем новости культуры Узбекистана: театр, кино, музыка, история, литература, просвещение и многое другое. |
|
|
07.02.2018 / 11:48:02
Islom Karimov - nigohingiz har gardda mujassam!Islom Karimov- bu insonni yodga olish, biz uchun farz. Oliyjanob xalqi uchun qilgan mazmunli ishlari halihanuz yodimizda, qalbimiz ardog'ida. Islom Karimov xotirasini abadiylashtirish maqsadida barpo etilgan haykal tomon borar ekansiz, beixtiyor yuragingiz jumbushga kelishi tabiiy. Sehr to'la ko'zlari, mehribon nigohlari ila siz tomon talpinib turibdi. Biz ijodiy guruhimiz bilan, ya'ni,Toshkent davlat milliy raqs va xoreografiya oily maktabi jamoasi bilan birinchi prezidentimizga atab barpo etilgan muzeyga qadam ranjida qildik. Muzeyga kirganingizda Islom Karimovning hayoti va ijodi bilan bog'liq rasmlar jamlanmasini ko'rasiz. 2017-yilda yaratilgan afsonaviy haykal deya nomlagan, sizni o'ziga maftun etadigan san'at asari e'tiboringizni tortmasdan qolmaydi. Ushbu muzeyda Bahodir Jalolov qalamiga mansub "Buyuk yo'l" nomli loyiha mavjud bo'lib, asar 4 ta qismdan iborat. Birinchi asari "Yakkama-yakka". Unda butun dunyo uchun dolzarb bo'lib kelayotgan ekologiya, kosmos, orol kabi muammolarga katta e'tibor berilgan. Ikkinchi asari "Sevgidan baland sevgi yo'q" deb nomlanadi. Bu asarda birinchi prezidentimiz umuman boshqa obrazda tabiatni sevuvchi, oilasiga sadoqatli, yaqinlariga mehribon, tabiatan romantik inson sifatida gavdalantirilgan. Uchinchisi esa "Yuzma-yuz" nomli asar, bu asarda asosan diniy ekstremizm va terrorizmga qarshi kurash ifodalangan. Ushbu rasmdagi o'laksaxo'r kalxatlar diniy ekstremizm, terrorizm timsolida, birinchi prezidentimiz esa mana shunday yovuz ishlarga qarshi tish tirnog'i bilan kurashayotganligi o'zi hamda yo'lbars qiyofasida ifodasini topgan. Loyihaning to'rtinchisi asari "Yangi kunni kutib olib" deb nomlanadi. Bunda birinchi prezidentimizni mamlakatimiz keljagiga doir buyuk bunyodkorlik rejalari tuzayotganligini ko'rishimiz mumkin. Akmal Ikromjonov ijod mahsuli bo'lmish, "Zarrin kun" asarida Islom Karimovning baxtli va yorqin damlaridan bir lavha keltirilgan. Ushbu asarda foydalanilgan ranglardan bilishimiz mumkinki, ijodkor asar qahramonini har bir inson qalbiga yorug'lik, poklik olib kira olganligi tasvirlangan. Mazitov Vladimr tomonidan ishlangan "Yoshlik" portreti falasfiy yo'nalishda ishlangan bo'lib, bu yerda birinchi prezidentimizning o'smirlik davrlari ifodalangan. Ularning nigohlari ulkan tog' cho'qqilariga tomon yo'naltirilgan. Bundan xulosa qilishimiz mumkinki, ularning qilgan barcha ezgu ishlari, amallari mana shu tog' cho'qqilariga qiyoslangan. 8 ta turnalarning tasviri esa, ularning yashab o'tgan serqirra, mashaqqatli shu bilan birgalikda baxtli va yorqin 80 yillik umrlarini ifoda etadi. "Qo'lida qizchani ko'targan" ushbu rasm 1992-yilda Gelmetdinov Rashid tomonidan ishlangan bo'lib, 1993-yilda italiyalik nomoyondalar tomonidan taqdim etlgan. Mustaqillik bayramining quvonchli lahzalari aks ettirilgan va bu asar har bir tomoshabinga o'zgacha bayramona shukuh baxsh eta oladi. Yana bir asar T.Mirjalilov tomonidan ishlangan "Yo'lbars" nomli asar mavjuddir. Ijodkor nega aynan yo'lbarsni tanlagan? Chunki I.Karimov yo'lbars burji ostida tug'ilganligiga ishora. Qolaversa birinchi prezidentimizda mavjud ayrim hislatlarni: Yo'lboshchilik, qat'iyat, shijoat ulardagi kuch-g'ayrat va rahbarlik qobiliyatlarini mana shu yo'lbars timsolida tasvirlab berishga uringanlar. Ushbu muzeyda chet el ijodkorlarining ham asarlari diqqatga sazovordir. Shulardan biri Pyotr Annenkovning "Yo'lbars bilan olishuv" asari allegorik ahamiyatga ega bo'lib, bunda yo'lbars kuch va qudrat ramzi ekanligi sifatidan bahodir insonga qiyoslanadi. Aynan shunday dadil va qat'iyat bilan murakkab muammolarni hal qilishga doimo kirishar va qiyinchiliklar oldida yengilmas inson O'zbekistonning birinchi Prezidenti Islom Karimov edi. Yana bir chet el ijodkori, ya'ni, Turk taniqli rassomi Chigdem Buchak Tellining "Islom Karimov" nomli asarida,birinchi yurtboshimiz ta'kidlagan ajoyib so'zlari, ya'ni, ushbu jannatmakon yurtda istiqomat qilayotgan tili, dini, irqi, millatidan qat'iy nazar ular mening farzandlarim. Mana shu fikrning isbot dalili sifatida ushbu asar yuzaga kelgan. K.Umurzakov "Islom Karimov" portretida o'z qahramonini oddiy, kamtarin, mehribon shu bilan bir qatorda g'amxo'r va mehrli nigohlari ila tasvirlangan. A.Ikromjonov, S.Raxmetov hamkorligida ishlangan "Lolazor" nomli asar judayam tahsinga sazovor. Prezidentimiz lola va rayhonlarni parvarish qilishga qiziqqan. Ushbu asar ancha yillardan buyon Oq Saroy qarorgohida osilgan bo'lgan va bugunga kelib, ko'rgazmalar zaliga taqdim etildi. Bunday ajoyib va kuchli ijod samarasi o'laroq ishlangan asarlarni ko'rib, ko'zingiz quvonishi bilan bir qatorda, quvonch o'rnini yosh egallashi ham tabiiy bir holat, albatta. Quvonch ila Islom Karimovdek buyuk bir shaxs bilan zamondosh ekanligingizdan o'z-o'zidan faxr tuyg'usini tuyasiz. Islom Karimovga atab barpo etilgan muzeyga qilingan oddiy bir ijodiy sayohatdan yana shunga amin bo'ldimki, bizdek vatanini kelajagi porloq bo'lgan yoshlarning ajdodlari buyukligiga!
Ravshan Xurramov
|
|