Мы освещаем новости культуры Узбекистана: театр, кино, музыка, история, литература, просвещение и многое другое. |
|
|
28.12.2017 / 14:08:14
Ёш киноижодкорлар делегацияси Чингиз Айтматов номидаги кино уйида учрашув ўтказди28 декабрь куни Ўзбекистон ёшлар иттифоқи Ёш киноижодкорлар кенгаши аъзоларидан ташкил топган делегация Бишкек шаҳрида жойлашган Кино уйига ташриф буюришди. Ўзбекистонлик ёшлар делегациясини Қирғизистон Кинематография департаменти директори Муктала Бектеналиев кутиб олди. У Ўзбекистон ҳамда Қирғизистон ўртасидаги олий тоифали учрашувларда ўзаро маданий алоқаларнинг мустаҳкамланиши бўйича келишларга эришилгани ва бу борада ҳар икки мамлакат киночилари бор имкониятларини ишга солишлари лозимлигини таъкидлади. Айнан кино уйида яқиндагина ташкил этилган "Умут" халқаро кинофестивалида ўзбекистонлик ёш режиссёр Мухлиса Азизованинг "У" фильми намойиш этилгани ва қирғизистонликлар томонидан илиқ кутиб олинганини айтиб, келажакда бу анъанани янада ривожлантириш лозимлиги, ўзбек ёшларининг фильмларини Қирғизистондаги фестивалларга кўпроқ жалб қилиниши кераклигини таъкидлади. Ўз ўрнида Ёш киноижодкорлар кенгаши раиси Ойбек Абдушукуров "PROlogue" фестивалининг 2018 йилда Ўзбекистонда халқаро кинофестиваль сифатида ташкил этилишини айтиб, қирғизистонлик ёш киноижодкорларни фестивалга таклиф этишини билдирди. Шундан сўнг делегация аъзолари таниқли қирғиз адиби Чингиз Айтматов фаолият юритган хонани кўриб, Ўзбекистонда Чингиз Айтматов ижодига бўлган ҳурмат ва эътибор ҳақида қирғизистонлик кинематографларга маълумот беришди. Ўзбек делегацияси аъзолари ҳамда қирғизистонлик ёш киноижодкорлар, жумладан режиссёр, продюсер, актёр, оператор ва сценаристларнинг эркин суҳбат тарзида ўтган учрашувида ҳар икки томон ҳамкорликни ривожлантириш бўйича келишиб олди.
|
|