Tavalludingiz muborak Ustozim

O’zbekistonda xizmat ko’rsatgan baletmeyster   Qodir Mo’minov  72 yoshda.

Har bir kunning o’z xotiralari bo’lgani kabi bugungi kun ham o‘ziga  xos  kichik bir xotiraga ega. San’atimizning yirik namoyondalari  Usta Olim Komilov, Tamaraxonim, Mukarrama Turg’unboyevalar ijodini to bugungi kunga qadar davom ettirib kelayotgan, hamda xalqimiz hurmatiga sazovor bo’lgan yana bir ulug’ inson Qodir Mo’minov bugun 14 oktyabr kuni 72 yoshni  qarshi oldilar.

       Shu munosabat bilan, Toshkent  Davlat Milliy Raqs va Xoreografiya Oliy Maktabi Yoshlar Ittifoqi  yetakchilari tomonidan, o’zgacha shukuhda kutib olindi, hamda estalik sovg’alar topshirildi.

         Tadbir davomida ushbu  tabrik ustoz Qodir Mo’minov uchun kutilmagan hursandchilik bo’lganini  hamda o’z shogirdlari bilan faxrlanishini  ta’kidlab o’tdilar.

             O’z kasbining ustasi va eng aziz ustozimiz Qodir Mo’minov sizni yana bir bor bugungi  tavallud ayyomingiz bilan Toshkent  Davlat Milliy Raqs va Xoreografiya Oliy Maktabidagi barcha o’qituvchilar-u, o’quvchilar nomidan chin qalbimizdan muborakbod etamiz! Sizga bitmas tuganmas quvonch, sog’lik salomatlik  va shuning bilan birgalikda,  ijod yo’llaringizga ulkan zafarlar tilaymiz!!!

                                                                   Toshkent davlat milliy raqs va xoreografiya oliy maktabi   

                                                         “San’atshunoslik” yo‘nalishi 2-kurs talabasi Rasulova Kamola