| Мы освещаем новости культуры Узбекистана: театр, кино, музыка, история, литература, просвещение и многое другое. | 
|
|
|
 |
|
30.08.2019 / 18:39:21
"Ниҳол" мукофотининг соҳибларини тақдирлаш маросими бўлди 29 август куни пойтахтимиздаги “Халқлар дўстлиги“ саройида Ўзбекистон Республикаси Президентининг ёш истеъдодлар учун таъсис этилган “Ниҳол“ мукофоти соҳибларини тантанали тақдирлашга бағишланган тадбир бўлиб ўтди. Ўзбекистон Республикаси маданият вазири Бахтиёр Сайфуллаевнинг таъкидлашича, ёшлар учун ташкил этилаётган кўплаб ижодий танловлар улар истеъдодини чархлаш, безавол униб-ўсиши, халққа танилишида муҳим омил бўлиб хизмат қилмоқда. Эътиборга молик жиҳати, бу йилги “Ниҳол“ мукофотини топширишга бағишланган тантана “Жонажон Ўзбекистоним, мангу бўл омон!“ деган эзгу шиорни ўзида мужассам этган тадбирларнинг узвий қисмини ташкил этади. “Шарқ тароналари” ўн иккинчи халқаро мусиқа фестивали очилиш маросимидаги Президентимиз Шавкат Мирзиёевнинг табригида айтган “Ҳар қандай мукаммал техника воситаси ҳам тирик инсон нафасини, унинг юрак нолаларини, жонли овоз жозибасини, чинакам санъат ўрнини ҳеч қачон босолмайди”- деган сўзларини кўрдик”.
Муаззам саҳнада мусиқа санъатининг ранг-баранг йўналишларида бетакрор ижро томошабинларга унутилмас завқ, бир дунё таассуротларни улашди. Жозибали мусиқий дастур мамлакатимиз истеъдод соҳибларига нақадар бойлигини яна бир карра намоён этди. Маданият вазири Бахтиёр Сайфуллаев барча “Ниҳол“ мукофоти соҳибларини Маданият вазирлиги номидан самимий қутлар экан, уларга янги ижодий ютуқлар, мухлисларнинг олқиши ва меҳр-муҳаббати тарк этмаслигини тилади.
Ўзбекистон Республикаси Президентининг ёш истеъдодлар учун “Ниҳол-2019” мукофоти совриндорлари
Мумтоз қўшиқ йўналиши Торебеков Мухаммед Бахтибаев Адилбек Толиъбай улиъ Тохиров Достон Собиржон ўғли Хушвақтов Ахрор Эшмуродович Мансурова Нодира Озод қизи
Мусиқа ижрочилиги Исламова Диёрабону Фарходбек қизи Турабова Мухлиса Қаҳрамон қизи Асқаров Тохиржон Абдуқаҳҳор ўғли Ахаджонов Асилбек Абдусалом ўғли Найпак Василиса Романовна
Опера ижрочилиги Баходиров Бахтиёр Бобиржон ўғли Тохиров Достон Собиржон ўғли Имамназарова Хадича Туланбаевна Шехназаров Рўзибой Тожибой ўғли
Рақс санъати Мирзаева Дилноза Билолхон қизи Очилов Улуғбек Ботиралиевич Зиёева Ситора Бахтиёр қизи Хасанова Ёқутхон Баходиржон қизи
Эстрада санъати Назаров Анатолий Тихонович Мирзаев Анвар Фурқат ўғли Музаффарова Муштарий Музаффар қизи
|  |
|
||||||||||||||||||||||||||||||||
